Ek LaDki Se
sang-dil riwajon ki
ye imarat-e-kohna
apne aap par nadim
apne bojh se larzan
jis ka zarra zarra hai
KHud-shikastagi saman
sab KHamida diwaren
sab jhuki hui guDiyan
sang-dil riwajon ke
KHasta-haal zindan mein
ek sada-e-mastana
ek raqs-e-rindana
ye imarat-e-kohna TuT bhi to sakti hai
ye asir-e-shahzadi chhuT bhi to sakti hai
ye asir-e-shahzadi
Fahmida Riaz 
(1893) Peoples Rate This