رستے میں شام ہو گئی قصہ تمام ہو چکا
رستے میں شام ہو گئی قصہ تمام ہو چکا
جو کچھ بھی تھا اے زندگی وہ تیرے نام ہو چکا
کب کی گزر گئی وہ شب جس میں کسی کا نور تھا
کب کی گلی میں دھوپ ہے جینا حرام ہو چکا
پھرتے رہیں نگر نگر کوچہ بہ کوچہ در بہ در
اپنے خیام جل چکے اپنا سلام ہو چکا
رات میں باقی کچھ نہیں نیند میں باقی کچھ نہیں
اپنا ہر ایک خواب تو نذر عوام ہو چکا
اس کے لبوں کی گفتگو کرتے رہے سبو سبو
یعنی سخن ہوئے تمام یعنی کلام ہو چکا
عشق گر ایسا عشق ہے آنکھوں سے بہنے دو لہو
زیست گر ایسی زیست ہے اپنا تو کام ہو چکا
رستے تمام ہو گئے اس کی گلی کے آس پاس
یعنی خرام ہو چکا یعنی قیام ہو چکا
فہیم شناس کاظمی 
(784) ووٹ وصول ہوئے
Raste Mein Sham Ho Gai Qissa Tamam Ho Chuka In Urdu By Famous Poet Faheem Shanas Kazmi. Raste Mein Sham Ho Gai Qissa Tamam Ho Chuka is written by Faheem Shanas Kazmi. Enjoy reading Raste Mein Sham Ho Gai Qissa Tamam Ho Chuka Poem on Inspiration for Students, Youth, Girls and Boys by Faheem Shanas Kazmi. Free Dowlonad Raste Mein Sham Ho Gai Qissa Tamam Ho Chuka by Faheem Shanas Kazmi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends