ندی ندی رن پڑتے ہیں جب سے ناؤ اتاری ہے
ندی ندی رن پڑتے ہیں جب سے ناؤ اتاری ہے
طوفانوں کے کس بل دیکھے اب ملاح کی باری ہے
نیند رگوں میں دوڑ رہی ہے پور پور بیداری ہے
جسم بہت حساس ہے لیکن دل جذبات سے عاری ہے
آوازوں کے پیکر زخمی لفظوں کے بت لہولہان
کرتے ہیں اظہار تفنن کہتے ہیں فن کاری ہے
منزل منزل پاؤں جما کر ہم بھی چلے تھے ہم سفرو
اکھڑی اکھڑی چال کا باعث راہ کی ناہمواری ہے
آنکھ تھکن نے کھولی ہے یا عزم سفر نے کروٹ لی
پر پھیلا کر بیٹھو گے یا اڑنے کی تیاری ہے
سچ کہتے ہو نیو میں اس کی ٹیڑھی کوئی اینٹ نہیں
آڑی ترچھی چھت کا باعث گھر کی کج دیواری ہے
کیا کہئے کیوں آج سروں سے زخموں کا بوجھ اٹھ نہ سکا
پتھر تھے لیکن ہلکے تھے پھول ہے لیکن بھاری ہے
بستی بستی قریہ قریہ کوسوں آنگن ہے نہ منڈیر
ذہن خرابہ دل ویرانہ گھر اعصاب پہ طاری ہے
ایک دیا اور اتنا روشن جیسے دہکتا سورج ہو
کہنے والے سچ کہتے ہیں رات بہت اندھیاری ہے
اعزاز افضل 
(892) ووٹ وصول ہوئے
Naddi Naddi Ran PaDte Hain Jab Se Naw Utari Hai In Urdu By Famous Poet Ezaz Afzal. Naddi Naddi Ran PaDte Hain Jab Se Naw Utari Hai is written by Ezaz Afzal. Enjoy reading Naddi Naddi Ran PaDte Hain Jab Se Naw Utari Hai Poem on Inspiration for Students, Youth, Girls and Boys by Ezaz Afzal. Free Dowlonad Naddi Naddi Ran PaDte Hain Jab Se Naw Utari Hai by Ezaz Afzal in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends