دامن تیرا مجھ سے چھوٹا ملنے کے حالات نہیں
دامن تیرا مجھ سے چھوٹا ملنے کے حالات نہیں
لیکن تجھ کو بھول سکوں میں ایسی بھی تو بات نہیں
بدلے بدلے سے لگتے ہیں آج یہ تیرے تیور کیوں
پہلے جیسے کیوں اب تیرے پیار کے وہ جذبات نہیں
میرے ہاتھ کی ساری لکیریں الجھی الجھی لاکھ سہی
ان میں مجھ کو تو مل جائے ہوگی میری مات نہیں
تم سے بچھڑے عرصہ بیتا پھر بھی عکس ہے آنکھوں میں
آئے نہ ہو تم خوابوں میں جو ایسی کوئی رات نہیں
خوش قسمت ہیں لوگ وہ جن کو پیار کے بدلے پیار ملا
اس دنیا میں ہر انساں کو حاصل یہ سوغات نہیں
جاتے جاتے غم کی دولت تم نے بھر دی جھولی میں
اب یہ زیست کا سرمایہ ہے معمولی خیرات نہیں
درد بھری ہے یاد ماضی پھر بھی بس جی لیتے ہیں
ہم نے جانا ہر منڈپ میں آتی ہے بارات نہیں
چاہے بہار کا موسم ہو یا وصل کا کوئی عالم ہو
بیت گئے جو پھر سے واپس آتے وہ لمحات نہیں
جب جب تم یاد آئے موناؔ بھر آئیں میری آنکھیں
آگ لگائے دل میں آنسو یہ کوئی برسات نہیں
ایلزبتھ کورین مونا 
(1285) ووٹ وصول ہوئے
Daman Tera Mujhse ChhuTa Milne Ke Haalat Nahin In Urdu By Famous Poet Elizabeth Kurian Mona. Daman Tera Mujhse ChhuTa Milne Ke Haalat Nahin is written by Elizabeth Kurian Mona. Enjoy reading Daman Tera Mujhse ChhuTa Milne Ke Haalat Nahin Poem on Inspiration for Students, Youth, Girls and Boys by Elizabeth Kurian Mona. Free Dowlonad Daman Tera Mujhse ChhuTa Milne Ke Haalat Nahin by Elizabeth Kurian Mona in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends