Yaad
yaad ek be-rang be-mahak
murjhaya hua gulab
jis ke kanTon ki chubhan
baqi rahti hai sada
yaad-e-mazi ki banai hui
ek dhundli taswir
mel nahin khata jis se haal ka chehra
phir bhi lagi hai dil ki diwar par
yaad TuTa-phuTa ek aisa khilauna
jis se insan dil bahlana chahe
be-kar hone ke bawajud
use phenkna nahin chahe
yaad ek sarab
zist ke registan mein
jo aur bhi baDha de
thake haare musafir ki pyas
Elizabeth Kurian Mona 
(1539) Peoples Rate This