نقش بر آب ہو گیا ہوں میں
نقش بر آب ہو گیا ہوں میں
کتنا کم یاب ہو گیا ہوں میں
جھریاں کہہ رہی ہیں چہرے کی
خشک تالاب ہو گیا ہوں میں
کیا کروں گا میں اب خوشی لے کر
غم سے سیراب ہو گیا ہوں میں
یاد رکھتا نہیں مجھے کوئی
عرصۂ خواب ہو گیا ہوں میں
اس قدر بار غم اٹھایا ہے
جھک کے محراب ہو گیا ہوں میں
اک مسیحا کی مہربانی سے
جام زہراب ہو گیا ہوں میں
خشک آنسو ہوئے ہیں جس دن سے
دشت بے آب ہو گیا ہوں میں
ہے یہ احسان جبر دنیا کا
سخت اعصاب ہو گیا ہوں میں
اس نے جس دن سے چھو لیا مجھ کو
رشک مہتاب ہو گیا ہوں میں
خود ہی اعجازؔ اپنا دشمن ہوں
صرف احباب ہو گیا ہوں میں
اعجاز رحمانی 
(1066) ووٹ وصول ہوئے
Naqsh-bar-ab Ho Gaya Hun Main In Urdu By Famous Poet Ejaz Rahmani. Naqsh-bar-ab Ho Gaya Hun Main is written by Ejaz Rahmani. Enjoy reading Naqsh-bar-ab Ho Gaya Hun Main Poem on Inspiration for Students, Youth, Girls and Boys by Ejaz Rahmani. Free Dowlonad Naqsh-bar-ab Ho Gaya Hun Main by Ejaz Rahmani in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends