دشمنوں کے درمیان صلح
برگ آوارہ صدا آئے ہیں
کوئی آوازۂ پا لائے ہیں
تیرے پیغام رساں ہیں شاید
اور پیمان وفا لائے ہیں
گفتگو نرم ہے لہجہ دھیما
اب کے انداز جدا لائے ہیں
اک ندامت بھی ہے پچھتاوا بھی
خفت جرم و جفا لائے ہیں
آنکھ میں اشک پشیمانی کے
ہونٹ پر حرف دعا لائے ہیں
سارے سامان رفوگری کے
جیب و دامن میں اٹھا لائے ہیں
مرہم زخم کے انبار کے ساتھ
پارۂ خاک شفا لائے ہیں
شاخ زیتون بھی عمامے بھی ہیں
اور عبائیں بھی سلا لائے ہیں
حجر اسود نے چھوا ہے جس کو
ایک ایسی بھی ردا لائے ہیں
کچھ مدینے کی کھجوروں کے طبق
کاسۂ سر پہ سجا لائے ہیں
ایک مشکیزۂ آب زم زم
پشت نازک پہ اٹھا لائے ہیں
اگلے پچھلے سبھی مقتولوں کا
گویا کہ خون بہا لائے ہیں
اعجاز گل 
(1041) ووٹ وصول ہوئے
Dushmanon Ke Darmiyan Sulh In Urdu By Famous Poet Ejaz Gul. Dushmanon Ke Darmiyan Sulh is written by Ejaz Gul. Enjoy reading Dushmanon Ke Darmiyan Sulh Poem on Inspiration for Students, Youth, Girls and Boys by Ejaz Gul. Free Dowlonad Dushmanon Ke Darmiyan Sulh by Ejaz Gul in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends