تکمیل
وہ تیرگی بھی عجیب تھی
چاندنی کی ٹھنڈی گداز چادر سے سارا جنگل لپٹ رہا تھا
گلوں کے صد رنگ
دھندلے دھندلے سے
جیسے اک سیم تن کے چہرے کے شوخ غازے پہ
آنسوؤں کا غبار ہو
پیڑ، منتظر
اپنی نرم شاخوں کے ہاتھ پھیلائے
اور کبھی کوئی شاخ چٹکی
تو سائے نکلے
ملوک پھولوں کو چوم کر
چاندنی کی چادر پہ ناچتے تھے
کہاں سے آئی
وہ اک کرن
جس نے پھیلتی تیرگی کی گھمبیرتا کو چیرا
تو میرے بھیتر میں ایک کرنوں کا سلسلہ یوں اتر رہا تھا
کہ کوہ آتش فشاں سے لاوا نشیب کو بہہ رہا ہو
میرے لہو سے سوج ابل پڑے
جن کی تیز حدت سے تیرگی کے مہیب یخ بستہ سنگ پگھلے
تو نور کے راستوں کا اک جال کھل گیا
مگر ابھی تو مہیب کالے پہاڑ کچھ اور بھی نظر آ رہے ہیں
اور میں سفر کی حدت سے جل رہا ہوں
ذرا میں اب چاندنی کی ٹھنڈی گداز چادر میں
دم تو لے لوں
کہیں ابلتی ہوئی یہ آتش
مجھے جلا کر بھسم نہ کر دے
اعجاز فاروقی 
(794) ووٹ وصول ہوئے
Takmil In Urdu By Famous Poet Ejaz Farooqi. Takmil is written by Ejaz Farooqi. Enjoy reading Takmil Poem on Inspiration for Students, Youth, Girls and Boys by Ejaz Farooqi. Free Dowlonad Takmil by Ejaz Farooqi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends