ChhoTe Qad Ke Log
buland bang dawon ki
aawazen
khoTe sikkon ki tarah
bajti hain
phir bhi chhoTe qad ke log
in qad-awar aawazon ko
sunte rahte hain
kaghaz ke TukDon ki
ab koi qimat na rahi
phir bhi bhuki aankhen
unhen DhunDhti hain
aur nakaam rahti hain
aur be-rahm hath
unhen jama karte rahte hain
chhoTe qad ke log
apni aawaz kho chuke hain
wo sirf dekh sakte hain
aur sun sakte hain
Ehtisham Akhtar 
(1329) Peoples Rate This