منتشر ہر شے قرینے سے سجا دی جائے گی
منتشر ہر شے قرینے سے سجا دی جائے گی
یا مرے کمرے کی شخصیت مٹا دی جائے گی
ساتھ رکھئے کام آئے گا بہت نام خدا
خوف گر جاگا تو پھر کس کو صدا دی جائے گی
آگ بھڑکے گی ہوا پا کر بڑا سچ یہ نہیں
سچ بڑا یہ ہے کہ شعلوں کو ہوا دی جائے گی
بے ٹھکانہ یوں کیا جائے گا اک جلتا چراغ
طاقچے میں موم کی گڑیا بٹھا دی جائے گی
آئنہ حالات کا آئے گا جو بھی دیکھنے
کوئی عمدہ سی غزل اس کو سنا دی جائے گی
بولنے پر کوئی پابندی نہیں کچھ بولئے
ہاں مگر آواز اٹھے گی دبا دی جائے گی
سر بکف ہو جائیں گے پیر و جواں سب دیکھنا
دیش کی خاطر متاع جاں لٹا دی جائے گی
غیرممکن کچھ نہیں دنیا میں لیکن احترامؔ
آپ کی صحبت بھلا کیسے بھلا دی جائے گی
احترام اسلام 
(818) ووٹ وصول ہوئے
Muntashir Har Shai Qarine Se Saja Di Jaegi In Urdu By Famous Poet Ehteram Islam. Muntashir Har Shai Qarine Se Saja Di Jaegi is written by Ehteram Islam. Enjoy reading Muntashir Har Shai Qarine Se Saja Di Jaegi Poem on Inspiration for Students, Youth, Girls and Boys by Ehteram Islam. Free Dowlonad Muntashir Har Shai Qarine Se Saja Di Jaegi by Ehteram Islam in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends