رشتے کی سچائی
ہم جانتے ہیں
یہ دنیا ہمیں جینے نہیں دے گی
فاصلے کی دیواریں
ہم دونوں کے درمیان
بڑھتی رہیں گی
یہ کیسا رشتہ ہے
ہم دونوں اپنے اپنے احساسات سے واقف ہیں
مگر یہ رسم و رواج
آدمی سے آدمی کی تفریق کے۔۔۔
ہم دونوں محض اپنی آنکھوں کے علاوہ
ایک دوسرے کو چھو نہیں سکتے
آب زم زم یا گنگا جل
ایک رنگ، ایک خمار اور ایک احساس
کیوں نہ ہم دونوں
ایک آفاقی رشتے سے
منسلک ہو جائیں
ایسے رشتے سے
کہ جہاں تلواریں جھک جاتی ہیں
اور انگارے بن جاتے ہیں پھول
اور نیلا آسمان مسکرا اٹھتا ہے
آؤ آج
تم میری کلائی میں یہ راکھی باندھ دو
ہم دونوں اپنی اپنی
انوکھی چاہت کے حوالے سے
بن جائیں جنم جنم کے ساتھی
اٹوٹ ہو جائیں گے جب
پھر شاید زمانہ انگلی نہیں اٹھا سکے گا!!
احسان ثاقب 
(1022) ووٹ وصول ہوئے
Rishte Ki Sachchai In Urdu By Famous Poet Ehsan Saqib. Rishte Ki Sachchai is written by Ehsan Saqib. Enjoy reading Rishte Ki Sachchai Poem on Inspiration for Students, Youth, Girls and Boys by Ehsan Saqib. Free Dowlonad Rishte Ki Sachchai by Ehsan Saqib in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends