رنگ تہذیب و تمدن کے شناسا ہم بھی ہیں
رنگ تہذیب و تمدن کے شناسا ہم بھی ہیں
صورت آئینہ مرہون تماشا ہم بھی ہیں
حال و مستقبل کا کیا ہم کو سبق دیتے ہیں آپ
اس قدر تو واقف امروز و فردا ہم بھی ہیں
بادل نا خواستہ ہنستے ہیں دنیا کے لئے
ورنہ سچ یہ ہے پشیمان تمنا ہم بھی ہیں
کچھ سفینے ہیں کہ طوفاں سے ہے جن کا ساز باز
دیکھنے والوں میں اک بیرون دریا ہم بھی ہیں
دیکھنا ہے دیکھ لو اٹھتی ہوئی محفل کا رنگ
صبح کے بجھتے چراغوں کا سنبھالا ہم بھی ہیں
کاغذی ملبوس میں ابھری ہے ہر شکل حیات
ریت کی چادر پہ اک نقش کف پا ہم بھی ہیں
جا بہ جا بکھرے نظر آتے ہیں آثار قدیم
پی گئیں جس کو گزر گاہیں وہ دریا ہم بھی ہیں
اس حرم کی زیب و زینت کو خدا رکھے مگر
مجرمان عہد و پیمان کلیسا ہم بھی ہیں
ہم سے گونجا ہے عدم آباد کا دشت سکوت
عالم ارواح کا پہلا دھماکا ہم بھی ہیں
ہم جب اٹھ جائیں گے یہ عقدہ بھی حل ہو جائے گا
رونق محفل چراغوں کے علاوہ ہم بھی ہیں
خاک کیوں ہوتا نہیں جل کر حصار آب و گل
یہ اگر سچ ہے ترے جلووں کا پردہ ہم بھی ہیں
ہم پہ جانے کون سا طوفان تھوپا جائے گا
جانے کس تعزیر کی خاطر گوارا ہم بھی ہیں
یہ سر فہرست اور احسان دانشؔ شادباش
مجرموں میں آپ کے نزدیک گویا ہم بھی ہیں
احسان دانش 
(1176) ووٹ وصول ہوئے
Rang-e-tahzib-o-tamaddun Ke Shanasa Hum Bhi Hain In Urdu By Famous Poet Ehsan Danish. Rang-e-tahzib-o-tamaddun Ke Shanasa Hum Bhi Hain is written by Ehsan Danish. Enjoy reading Rang-e-tahzib-o-tamaddun Ke Shanasa Hum Bhi Hain Poem on Inspiration for Students, Youth, Girls and Boys by Ehsan Danish. Free Dowlonad Rang-e-tahzib-o-tamaddun Ke Shanasa Hum Bhi Hain by Ehsan Danish in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends