Aaj BhaDki Rag-e-wahshat Tere Diwanon Ki
aaj bhaDki rag-e-wahshat tere diwanon ki
qismaten jagne wali hain bayabanon ki
phir ghaTaon mein hai naqqara-e-wahshat ki sada
Toliyan bandh ke chalin dasht ko diwanon ki
aaj kya sujh rahi hai tere diwanon ko
dhajjiyan DhunDhte phirte hain garebanon ki
ruh-e-majnun abhi betab hai sahraon mein
KHak be-wajh nahin uDti bayabanon ki
us ne 'ehsan' kuchh is naz se muD kar dekha
dil mein taswir utar aai pari-KHanon ki
Ehsan Danish 
(852) Peoples Rate This