ZaKHm Shadab Dekhte Hain Mujhe
zaKHm shadab dekhte hain mujhe
dard betab dekhte hain mujhe
KHwab dekhe the TuT kar main ne
TuT kar KHwab dekhte hain mujhe
dagh-e-dil zau-fishan hue yun ki
shams o mahtab dekhte hain mujhe
khul gaya ho na dosti ka bharam
Dar ke ahbab dekhte hain mujhe
ek tanaw sa apne-ap se hai
khinch ke aasab dekhte hain mujhe
mujh mein shaer to aur hai 'pinha'
aur arbab dekhte hain mujhe
Dr. Pinhaan 
(957) Peoples Rate This