اشک پر زور کچھ چلا ہی نہیں
اشک پر زور کچھ چلا ہی نہیں
میں نے روکا بہت رکا ہی نہیں
آتش زیر پا سبب ورنہ
خاک صحرا کی چھانتا ہی نہیں
یا تو سب کا خدا ہی سچا ہے
یا تو سچا کوئی خدا ہی نہیں
ذہن کہتا ہے سر جھکا لے تو
دل مگر ہے کہ مانتا ہی نہیں
بال و پر ہوں قوی تو کیا حاصل
جب اڑانوں کا حوصلہ ہی نہیں
ہائے میں نے پس غلط فہمی
وہ سنا میں نے جو کہا ہی نہیں
موت کا ڈر اسے دکھائیں کیا
زندہ رہنا جو چاہتا ہی نہیں
صرف احساس کمتری ہے تجھے
اور تو ہے کہ مانتا ہی نہیں
میں ہی میں بزم میں رہا موجود
اور میں بزم میں گیا ہی نہیں
میری غیبت میں وہ بھی ہیں شامل
آج تک جن سے میں ملا ہی نہیں
جو کہ پہچان ہو مری اعظمؔ
شعر ایسا کوئی ہوا ہی نہیں
ڈاکٹر اعظم 
(1155) ووٹ وصول ہوئے
Ashk Par Zor Kuchh Chala Hi Nahin In Urdu By Famous Poet Dr. Azam. Ashk Par Zor Kuchh Chala Hi Nahin is written by Dr. Azam. Enjoy reading Ashk Par Zor Kuchh Chala Hi Nahin Poem on Inspiration for Students, Youth, Girls and Boys by Dr. Azam. Free Dowlonad Ashk Par Zor Kuchh Chala Hi Nahin by Dr. Azam in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends