احمقوں کی کانفرنس
اک خبر ہم نے پڑھی تھی کل کسی اخبار میں
احمقوں کا ایک جلسہ تھا کہیں بازار میں
ہر نمونے کا چغد حاضر تھا اس دربار میں
جیسے ہر ٹائپ کا عاشق کوچۂ دل دار میں
تھا ہر اک مہماں یہاں نا خواندہ و خود ساختہ
کوئی ان میں صاحب دل تھا کوئی دل باختہ
سب سے پہلے اک بڑا احمق ہوا یوں شعلہ بار
جنٹلمین اینڈ لیڈیز آر وہاٹ ایور یو آر
آج اعصاب وطن پر عقل و دانش ہیں سوار
ختم ہوتا جا رہا ہے احمقوں کا اقتدار
احمقو جاگو تمہاری آبرو خطرے میں ہے
جس کے ساکن ہو وہ شہر آرزو خطرے میں ہے
ہر حماقت کا کوئی مفہوم ہونا چاہیئے
کیوں حماقت کی گئی معلوم ہونا چاہیئے
آدمی کو عقل سے محروم ہونا چاہیئے
کیا ضرورت ہے ہما کی بوم ہونا چاہیئے
اس لیے ہم نے بنایا ہے یہ مینی فیٹو
''من ترا احمق بگویم تو مرا احمق بگو''
بھولتی جاتی ہے دنیا اب یہ قول مستند
عقل چوں پختہ شود انسان احمق می شود
ًفطرتا احمق ہو جو انساں نہیں ہوتا وہ بد
وہ حماقت سب سے اچھی کچھ نہیں ہو جس کی حد
کچھ سہی اک خر محبت اس کا نسب العین ہے
وہ بھی اس انساں سے اچھا ہے جو بزنس مین ہے
اب رہا یہ مسئلہ کپڑے نہیں ہیں اپنے پاس
اس کے بارے میں رزولیوشن کیا جائے گا پاس
اطلس و کمخواب کو ہم نہیں آئیں گے راس
سب سے اچھا ہے کہ پہنیں لوگ پتوں کا لباس
ناریل اور کیلے کا پتہ ہو یا انجیر کا
قدرتی ہو پیرہن ہر پیکر تصویر کا
دلاور فگار 
(1605) ووٹ وصول ہوئے
Ahmaqon Ki Conference In Urdu By Famous Poet Dilawar Figar. Ahmaqon Ki Conference is written by Dilawar Figar. Enjoy reading Ahmaqon Ki Conference Poem on Inspiration for Students, Youth, Girls and Boys by Dilawar Figar. Free Dowlonad Ahmaqon Ki Conference by Dilawar Figar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends