Ai Ishq Tu Ne Waqif-e-manzil Bana Diya
ai ishq tu ne waqif-e-manzil bana diya
ab marhalon ko aur bhi mushkil bana diya
allah-re shauq-e-qais ki jalwa-taraaziyan
akasr ghubar-e-dasht ko mahmil bana diya
main gharq ho raha tha ki tufan-e-ishq ne
ek mauj-e-be-qarar ko sahil bana diya
hum ne ek aah-e-sard ko sham-e-sahar ke sath
rudad-e-na-tamam ka hasil bana diya
ai dil ye sab amir-e-suKHan-war ka faiz hai
zarre ko jis ne jauhar-e-qabil bana diya
Dil Shahjahanpuri 
(1445) Peoples Rate This