Kisi Qalam Se Kisi Ki Zaban Se Chalta Hun
kisi qalam se kisi ki zaban se chalta hun
main tir kis ka hun kis ki kaman se chalta hun
main thak gaya hun Thahar kar kisi samundar sa
ba-rang-e-abr tere aastan se chalta hun
tu chhoD dega adhura mujhe kahani mein
isi liye main teri dastan se chalta hun
jo mere sine ke baen taraf dhaDakta hai
usi ke naqsh-e-qadam par wahan se chalta hun
agarche chaho to logon ko beach le aana
main aaj apne tere darmiyan se chalta hun
Dheerendra Singh Faiyaz 
(794) Peoples Rate This