Marhala
meri har ek nazar ne sajda kiya
raunaq-e-husn-o-jaan-e-ru-e-nigar
phir bhi jumbish na ho saki tujh ko
kitna mazbut hai tera kirdar
kya KHabar tujh ko pyar ho ki na ho
hun teri har KHushi ke sath magar
teri fikr-o-ada samajh na sakun
bar-mahal jaise baj sake na gajar
zehn ki kuchh amiq rahon mein
KHud ko khoya hua sa pata hun
jaane kya hoga ishq ka hasil
jaane kya hoga chahaton ka fusun
Daur Afridi 
(1229) Peoples Rate This