ورثہ
میں بہت خوش ہوں کہ اس درجہ ملی دولت غم
اتنی دولت کہ گنی جائے نہ رکھی جائے
اور پھر کس کو خبر اس کی مگر میرے سوا
اس کا مالک بھی نہیں کوئی مگر میرے سوا
اور دولت بھی یہ ایسی کہ کہیں بیش بہا
ایک اک موتی کا ہے رنگ الگ شان جدا
کیوں نہ ہو کتنے ہی سالوں کی کمائی ہے یہ
صرف میری نہیں پشتوں کی کمائی ہے یہ
چھوڑی اجداد نے اولاد کی باری آئی
اور اولاد بھی اولاد کو دیتی آئی
کچھ کمی آئی نہ اس میں کسی موسم کسی سال
بے حساب ہو کے یہ بڑھتی رہی بڑھتی ہی رہی
میں بہت خوش ہوں کہ اس درجہ ملی دولت غم
میرے اجداد میں بھی مجھ سا نہ تھا کوئی امیر
میری دولت کے مقابل ہیں وہ سب لوگ فقیر
میں بہت خوش ہوں کہ اس درجہ ملی دولت غم
بھولتا ہی نہیں میں اپنی امیری کا غرور
میرے اجداد امیر اور میں امیر ابن امیر
رشک سے ہائے مگر اس پہ مرا جاتا ہوں
کہ نہ بڑھ جائے کہیں رتبہ اولاد امیر
رشک آتا ہے بہت ان پہ نصیبے دارد
داؤد غازی 
(756) ووٹ وصول ہوئے
Wirsa In Urdu By Famous Poet Daud Ghazi. Wirsa is written by Daud Ghazi. Enjoy reading Wirsa Poem on Inspiration for Students, Youth, Girls and Boys by Daud Ghazi. Free Dowlonad Wirsa by Daud Ghazi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends