مشورہ
میری محبوب یہ آنسو ہیں کہ موتی رخ پر
ان کو اس طرح نہ بیکار گنوا مان بھی جا
ابھی جلنے دے یہ سینہ ابھی پھٹنے دے دماغ
آتش غم کو نہ اشکوں سے بجھا مان بھی جا
یہ نہیں ہے کہ میں اس درد سے آگاہ نہیں
تو غم دہر پہ روتی ہے پتا ہے مجھ کو
جانتا ہوں میں کہ اس غم کی حقیقت کیا ہے
یہی غم اور اسی شدت سے ہوا ہے مجھ کو
ہاں مگر ہم ہی نہیں اس کے شکنجے کے شکار
اپنی ہی طرح زمانے میں حزیں اور بھی ہیں
اپنے سینے ہی نہیں رنج و الم کے مدفن
درد کے راز تو پوشیدہ کہیں اور بھی ہیں
ہاتھ پر ہاتھ دھرے سب ہوں اگر گریہ کناں
پھر ان اشکوں کا کرے کون مداوا آخر
کس طرح دکھ یہ ٹلیں زخم بھریں داغ مٹیں
ان تمناؤں کو دے کون سہارا آخر
آج بے بس ہیں تو کیا آج ہیں مجبور تو کیا
بے بسی ہی پہ نہیں ختم کہانی اپنی
غم کے شعلوں کو ہوا دے کے اگر تیز کریں
رنگ لائے گی یہی شعلہ فشانی اپنی
خود کشی قبر میں بھیجے گی ہمیں غم کو نہیں
مرگ ہستی میں کہاں ہے غم ہستی کا علاج
قبر میں لاشیں ہی لاشیں ہیں تمناؤں کی
موت کے پاس کہاں اپنی غریبی کا علاج
غم کے ذروں کو سمیٹوں کہ بڑے کام کے ہیں
یہ سمٹ جائیں تو ہو جائے ہمالہ پیدا
درد کی آگ کو سینے میں وبا رہنے دو
جب یہ بھڑکے گی تو کر دے گی اجالا پیدا
داؤد غازی 
(900) ووٹ وصول ہوئے
Mashwara In Urdu By Famous Poet Daud Ghazi. Mashwara is written by Daud Ghazi. Enjoy reading Mashwara Poem on Inspiration for Students, Youth, Girls and Boys by Daud Ghazi. Free Dowlonad Mashwara by Daud Ghazi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends