Dushman Jawaniyon Ki Ye Aashnaiyan Hain
dushman jawaniyon ki ye aashnaiyan hain
in aashnaiyon mein kya kya buraiyan hain
'hasrat' kaho ki kis se aankhen laDaiyan hain
honTon pe sard aahen munh pe hawaiyan hain
ya dil-sitaniyan thin aur mehrbaniyan thin
ya kaj-adaiyan hain ya bewafaiyan hain
qismat ki kya shikayat taqdir ka gila kya
jitni buraiyan hain dil ki buraiyan hain
Chiragh Hasan Hasrat 
(906) Peoples Rate This