ہم جو مل بیٹھیں تو یک جان بھی ہو سکتے ہیں
ہم جو مل بیٹھیں تو یک جان بھی ہو سکتے ہیں
پورے اپنے سبھی ارمان بھی ہو سکتے ہیں
تجھ سے اس سطح پہ آ پہنچا ہے رشتہ اپنا
بن بلائے ترے مہمان بھی ہو سکتے ہیں
ہم ترے نام کی جیتے نہیں مالا ہی فقط
ہم ترے نام پہ قربان بھی ہو سکتے ہیں
دل میں آنے کی بھلا آپ کو دعوت میں دوں
گھر کے مالک کبھی مہمان بھی ہو سکتے ہیں
بت کافر کی پرستش پہ کوئی قید نہیں
پوجنے والے مسلمان بھی ہو سکتے ہیں
بے رخی تو نے بھی برتی جو خدایا ان سے
تجھ سے برہم ترے انسان بھی ہو سکتے ہیں
آج جو گردش دوراں کا اڑاتے ہیں مذاق
کل وہی لوگ پریشان بھی ہو سکتے ہیں
تو جو سمجھے میرے ارمانوں کی اہمیت کو
میرے ارمان تیرے ارمان بھی ہو سکتے ہیں
جب خطا کرتے تھے اس وقت نہ سوچا اے چرخؔ
ہم سر حشر پشیمان بھی ہو سکتے ہیں
چرخ چنیوٹی 
(1170) ووٹ وصول ہوئے
Hum Jo Mil BaiThen To Yak Jaan Bhi Ho Sakte Hain In Urdu By Famous Poet Charkh Chinioti. Hum Jo Mil BaiThen To Yak Jaan Bhi Ho Sakte Hain is written by Charkh Chinioti. Enjoy reading Hum Jo Mil BaiThen To Yak Jaan Bhi Ho Sakte Hain Poem on Inspiration for Students, Youth, Girls and Boys by Charkh Chinioti. Free Dowlonad Hum Jo Mil BaiThen To Yak Jaan Bhi Ho Sakte Hain by Charkh Chinioti in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends