فضائے ناامیدی میں امید افزا پیام آیا
فضائے ناامیدی میں امید افزا پیام آیا
میں بیٹھا گن رہا تھا حسرتیں ان کا سلام آیا
ہماری شام فرقت جیسے اک شام چراغاں تھی
جو آنسو آیا پلکوں پر بہ حسن اہتمام آیا
ادھوری کس طرح رہتی کہانی عشق کی ہمدم
ادھر دم توڑتا تھا میں ادھر ان کا پیام آیا
ادھر بھی روشنی پھیلی ادھر بھی روشنی پھیلی
وہ جب محفل میں آیا صورت ماہ تمام آیا
چھڑی جب بات حسن و عشق کی بزم محبت میں
کہیں پر تیرا نام آیا کہیں پر میرا نام آیا
جوانی کے زمانے کی بس اتنی سی کہانی ہے
جب ان کی یاد آئی ضبط کا جذبہ نہ کام آیا
گدائے مے کدہ بن کر گزاری زندگی جس نے
مقدر میں اسی کے رحمت ساقی کا جام آیا
بس اتنا یاد ہے منزل بمنزل ہم سفر تھے وہ
نہ جانے کب سحر آئی کہاں ہنگام شام آیا
مرا اعمال نامہ گھومتا تھا میری نظروں میں
جب اپنے سامنے اے چرخؔ وقت اختتام آیا
چرخ چنیوٹی 
(1201) ووٹ وصول ہوئے
Faza-e-na-umidi Mein Umid-afza Payam Aaya In Urdu By Famous Poet Charkh Chinioti. Faza-e-na-umidi Mein Umid-afza Payam Aaya is written by Charkh Chinioti. Enjoy reading Faza-e-na-umidi Mein Umid-afza Payam Aaya Poem on Inspiration for Students, Youth, Girls and Boys by Charkh Chinioti. Free Dowlonad Faza-e-na-umidi Mein Umid-afza Payam Aaya by Charkh Chinioti in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends