Jalwa-e-husn Se Hai Surat-e-auqat Nai
jalwa-e-husn se hai surat-e-auqat nai
din duniya subh nai sham nai raat nai
un badalte hue haalat ka matam kaisa
har nae daur mein banti hain riwayat nai
har mulaqat ka andaz naya hota hai
jo bhi hoti hai wo hoti hai mulaqat nai
naya-pan husn ko wirse mein mila ho jaise
har ada us ki nai waza nai baat nai
chand-taron mein naya nur umaDta hai
'charKH' wo aate hain aati hai nazar raat nai
Charkh Chinioti 
(1152) Peoples Rate This