لوٹ چلیے
سوختہ جاں سوختہ دل
سوختہ روحوں کے گھر میں
راکھ گرد آتشیں شعلوں کے سائے
نقش ہیں دیواروں پر مفروق چہرے
لوٹ چلیے اپنے سب ارمان لے کر
جھوٹ ہے گزرا زمانہ
اور کسی اجڑے قبیلے کی بھٹکتی روح شاید
اپنے مستقبل کا دھندلا سا تصور
بحر غم کے درمیاں ہے
ایک کالے کوہ کی مانند یہ امروز اپنا
کوہ جس پر رقص کرتے ہیں ستم خوردہ تمناؤں کے آسیب
لوٹ چلیے
اپنے سب ارمان لے کر
سوچیے تو
یوں عبث آتش کدوں میں کیوں جلیں دل
کیوں رہیں ہر وقت سینوں پر چٹانیں
دیکھیے تو
چند لقمے کچھ کتابیں
ایک بستر ایک عورت
اور کرائے کا یہ خالی تنگ کمرا
آج اپنی زیست کا مرکز ہیں لیکن
تیرگی کا غم انہیں بھی کھا رہا ہے
چار جانب زہر پھیلا جا رہا ہے
لوٹ چلیے
اپنے سب ارمان لے کر
اپنے سب پیمان لے کر
جسم لے کر جان لے کر
چندربھان خیال 
(1023) ووٹ وصول ہوئے
LauT Chaliye In Urdu By Famous Poet Chandrabhan Khayal. LauT Chaliye is written by Chandrabhan Khayal. Enjoy reading LauT Chaliye Poem on Inspiration for Students, Youth, Girls and Boys by Chandrabhan Khayal. Free Dowlonad LauT Chaliye by Chandrabhan Khayal in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends