انہیں ڈھونڈو
انہیں ڈھونڈھو سفر کی شام سے پہلے
کسی انجام سے پہلے
انہیں ڈھونڈو
جو ملنے کی گھڑی میں
ہم سے بچھڑے تھے
دلوں سے پھوٹتے اس غم سے بچھڑے تھے
جو آنکھیں خشک رکھتا ہے
مگر دہلیز جاں تک
پانیوں کو چھوڑ جاتا ہے
جو رستہ دل کی گلیوں سے نکلتا ہو
اسی رستے کی ہر اک سمت کو
وہ موڑ جاتا ہے
مسرت کی ہری شاخوں کو آ کر توڑ جاتا ہے
انہیں ڈھونڈو
اداسی کی کتابوں سے
تمنا کے نصابوں میں لکھی
تحریر کے مفہوم سے
جس میں اداسی نے
خود اپنی بے بسی کا باب لکھا تھا
شعور ذات کا
دھندلا سا اک احساس لکھا تھا
انہیں ڈھونڈو
جدائی کی گلی میں
لوٹ آنے کا سندیسہ چھوڑ کر
رخصت ہوئے تھے جو
چراغوں نے جنہیں
اس آخری ساعت میں دیکھا تھا
کہ جب ان کی لویں بجھنے لگی تھیں
اور جب خود میں مکمل ہو رہے تھے
انہیں ڈھونڈو جو آنکھوں سے
فقط اک خواب کی
دوری پہ رہتے ہیں
جنہیں آنکھیں
ہزاروں سال کی فرقت کو
اوڑھے ڈھونڈتی ہیں
ہمیشہ جاگتی ہیں
بشریٰ اعجاز 
(1112) ووٹ وصول ہوئے
Unhen DhunDo In Urdu By Famous Poet Bushra Ejaz. Unhen DhunDo is written by Bushra Ejaz. Enjoy reading Unhen DhunDo Poem on Inspiration for Students, Youth, Girls and Boys by Bushra Ejaz. Free Dowlonad Unhen DhunDo by Bushra Ejaz in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends