Pas Hone Ka Ishaara Mil Gaya
pas hone ka ishaara mil gaya
ab to jine ka sahaara mil gaya
Dhal gaya suraj to kuchh aisa laga
subh-e-nau ka ek nazara mil gaya
tum mile to mil gai hai zindagi
marte marte bhi sahaara mil gaya
na-umidi ko mili ummid ek
ek sahaara jab tumhaara mil gaya
Dubne wali thi kashti jaan ki
ab to sahil ka kinara mil gaya
ye zamin-o-asman kya hain 'saba'
jab jahan-e-ishq sara mil gaya
Bubbles Hora Saba 
(866) Peoples Rate This