حیراں ہوں کہ اب لاؤں کہاں سے میں زباں اور
حیراں ہوں کہ اب لاؤں کہاں سے میں زباں اور
لب کہتے ہیں کچھ اور انہیں ہوتا ہے گماں اور
جائیں تو کہاں جائیں محبت کے خریدار
ارباب سیاست نے تو کھولی ہے دکاں اور
معلوم نہیں ہے مرے صیاد کو شاید
گھٹتی ہے اگر سانس تو کھلتی ہے زباں اور
اب وعدۂ فردا میں کشش کچھ نہیں باقی
دہرائی ہوئی بات گزرتی ہے گراں اور
دیکھے گی جو اک پل میں مری آنکھ سے تجھ کو
ہو جائے گی دنیا تری جانب نگراں اور
لگ جاتی ہیں مہریں سی لبوں پر انہیں مل کر
ہوتا ہے مگر دل کے دھڑکنے کا سماں اور
کھلتی ہیں نہیں حشر کے دن بھی مری آنکھیں
شاید کہ مقدر میں ہے اک خواب گراں اور
ہم راکھ ہوئے اس پہ مگر آنچ نہ آئی
جلنے کا سماں اور جلانے کا سماں اور
گو عرض و طلب ایک حسیں شغل ہے لیکن
اس کھیل میں بڑھ جاتا ہے اندیشۂ جاں اور
معراج تکلم ہے خموشی مری بسملؔ
آتی ہی نہیں کوئی مجھے طرز فغاں اور
بسمل صابری 
(1098) ووٹ وصول ہوئے
Hairan Hun Ki Ab Laun Kahan Se Main Zaban Aur In Urdu By Famous Poet Bismil Sabri. Hairan Hun Ki Ab Laun Kahan Se Main Zaban Aur is written by Bismil Sabri. Enjoy reading Hairan Hun Ki Ab Laun Kahan Se Main Zaban Aur Poem on Inspiration for Students, Youth, Girls and Boys by Bismil Sabri. Free Dowlonad Hairan Hun Ki Ab Laun Kahan Se Main Zaban Aur by Bismil Sabri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends