سوچنے کا بھی نہیں وقت میسر مجھ کو
سوچنے کا بھی نہیں وقت میسر مجھ کو
اک کشش ہے جو لئے پھرتی ہے در در مجھ کو
اپنا طوفاں نہ دکھائے وہ سمندر مجھ کو
چار قطرے نہ ہوئے جس سے میسر مجھ کو
عمر بھر دیر و حرم نے دئے چکر مجھ کو
بے کسی کا ہو برا لے گئی گھر گھر مجھ کو
شکر ہے رہ گیا پردہ مری عریانی کا
خاک کوچے کی ترے بن گئی چادر مجھ کو
چپ رہوں میں تو خموشی بھی گلہ ہو جائے
آپ جو چاہیں وہ کہہ دیں مرے منہ پر مجھ کو
خاک چھانا کئے ہم قافلے والوں کے لئے
قافلے والوں نے دیکھا بھی نہ مڑ کر مجھ کو
آپ ظالم نہیں، ظالم ہے مگر آپ کی یاد
وہی کمبخت ستاتی ہے برابر مجھ کو
انقلابات نے کچھ ایسا پریشان کیا
کہ سجھائی نہیں دیتا ہے ترا در مجھ کو
جرأت شوق تو کیا کچھ نہیں کہتی لیکن
پاؤں پھیلانے نہیں دیتی ہے چادر مجھ کو
مل گئی تشنگیٔ شوق سے فرصت تا عمر
اپنے ہاتھوں سے دیا آپ نے ساغر مجھ کو
اب مرا جذبۂ توفیق ہے اور میں بسملؔ
خضر گم ہو گئے رستے پہ لگا کر مجھ کو
بسملؔ عظیم آبادی 
(1131) ووٹ وصول ہوئے
Sochne Ka Bhi Nahin Waqt Mayassar Mujhko In Urdu By Famous Poet Bismil Azimabadi. Sochne Ka Bhi Nahin Waqt Mayassar Mujhko is written by Bismil Azimabadi. Enjoy reading Sochne Ka Bhi Nahin Waqt Mayassar Mujhko Poem on Inspiration for Students, Youth, Girls and Boys by Bismil Azimabadi. Free Dowlonad Sochne Ka Bhi Nahin Waqt Mayassar Mujhko by Bismil Azimabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends