نگاہ قہر ہوگی یا محبت کی نظر ہوگی
نگاہ قہر ہوگی یا محبت کی نظر ہوگی
مزہ دے جائے گی دل سے اگر اے سیم بر ہوگی
تمہیں جلدی ہے کیا جانا ابھی تو رات باقی ہے
نہ گھبراؤ ذرا ٹھہرو کوئی دم میں سحر ہوگی
ابھی سے سارے عالم میں تو اک اندھیر برپا ہے
نہ جانے کیا غضب ڈھائے گی جب یہ تا کمر ہوگی
نہ لائے گی تو کیا بے چین بھی ان کو نہ کر دے گی
ہماری آہ کیا کمبخت اتنی بے اثر ہوگی
ہم اس کو دیکھ لیں گے اور وہ ہم کو نہ دیکھے گی
نگاہ یار کیا محفل میں اتنی بے خبر ہوگی
چلا جاتا تو ہوں میں بہروپ بن کر ان کی محفل میں
کہوں گا کیا رسائی گر کہیں منہ دیکھ کر ہوگی
نگاہ لطف سے دیکھے گا مجھ کو اک جہاں تو کیا
اگر تم دیکھ لو گے میری قسمت عرش پر ہوگی
اسیری میں بھی یاد گل کرے گی اس طرح بلبل
قفس کے در پہ سر ہوگا، سوئے گلشن نظر ہوگی
جو بے جرمی پہ بھی بسملؔ کو تم نے کر دیا بسمل
بتاؤگے بھلا کیا حشر میں پرسش اگر ہوگی
بسملؔ عظیم آبادی 
(1155) ووٹ وصول ہوئے
Nigah-e-qahr Hogi Ya Mohabbat Ki Nazar Hogi In Urdu By Famous Poet Bismil Azimabadi. Nigah-e-qahr Hogi Ya Mohabbat Ki Nazar Hogi is written by Bismil Azimabadi. Enjoy reading Nigah-e-qahr Hogi Ya Mohabbat Ki Nazar Hogi Poem on Inspiration for Students, Youth, Girls and Boys by Bismil Azimabadi. Free Dowlonad Nigah-e-qahr Hogi Ya Mohabbat Ki Nazar Hogi by Bismil Azimabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends