خزاں جب تک چلی جاتی نہیں ہے
خزاں جب تک چلی جاتی نہیں ہے
چمن والوں کو نیند آتی نہیں ہے
جفا جب تک کہ چونکاتی نہیں ہے
محبت ہوش میں آتی نہیں ہے
جو روتا ہوں تو ہنستا ہے زمانہ
جو سوتا ہوں تو نیند آتی نہیں ہے
تمہاری یاد کو اللہ رکھے
جب آتی ہے تو پھر جاتی نہیں ہے
کلی بلبل سے شوخی کر رہی ہے
ذرا پھولوں سے شرماتی نہیں ہے
جہاں میکش بھی جائیں ڈرتے ڈرتے
وہاں واعظ کو شرم آتی نہیں ہے
نہیں ملتی تو ہنگامے ہیں کیا کیا
جو ملتی ہے تو پی جاتی نہیں ہے
جوانی کی کہانی داور حشر
سر محفل کہی جاتی نہیں ہے
کہاں تک شیخ کو سمجھائیے گا
بری عادت کبھی جاتی نہیں ہے
گھڑی بھر کو جو بہلائے مرا دل
کوئی ایسی گھڑی آتی نہیں ہے
ہنسی بسملؔ کی حالت پر کسی کو
کبھی آتی تھی اب آتی نہیں ہے
بسملؔ عظیم آبادی 
(915) ووٹ وصول ہوئے
KHizan Jab Tak Chali Jati Nahin Hai In Urdu By Famous Poet Bismil Azimabadi. KHizan Jab Tak Chali Jati Nahin Hai is written by Bismil Azimabadi. Enjoy reading KHizan Jab Tak Chali Jati Nahin Hai Poem on Inspiration for Students, Youth, Girls and Boys by Bismil Azimabadi. Free Dowlonad KHizan Jab Tak Chali Jati Nahin Hai by Bismil Azimabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends