جب کبھی نام محمد لب پہ میرے آئے ہے
جب کبھی نام محمد لب پہ میرے آئے ہے
لب سے لب ملتے ہیں جیسے دل سے دل مل جائے ہے
جب کوئی غنچہ چمن کا بن کھلے مرجھائے ہے
کیا کہیں کیا کیا چمن والوں کو رونا آئے ہے
کوئی کہہ دیتا کہ اب کاہے کو قاصد آئے ہے
ضعف سے بیمار کو اٹھا نہ بیٹھا جائے ہے
ہو نہ ہو کچھ بات ہے تب جی مرا گھبرائے ہے
آپ آئے ہیں نہ خط ہی بھیج کر بلوائے ہے
رات بھی روتے کٹی ہے دن بھی گزرا جائے ہے
آنے والے کچھ نہیں معلوم کب سے آئے ہے
تیرے دیوانے پہ ایسی بھی گھڑی آ جائے ہے
دم بخود رہ جائے ہے سوچا نہ سمجھا جائے ہے
ایک دن وہ دن تھے رونے پہ ہنسا کرتے تھے ہم
ایک یہ دن ہیں کہ اب ہنسنے پہ رونا آئے ہے
برق کو کیا جانے کیا ضد ہے نشیمن سے مرے
چار تنکوں کی قسم وہ بھی نہ دیکھا جائے ہے
ہجر کی راتوں میں بھی تنہا کہاں رہتا ہے ذہن
تم کبھی آ جاؤ ہو، دشمن کبھی آ جائے ہے
جی میں رکھتے ہیں کہیں بھی تو کسی سے کیا کہیں
شکوہ ان کا یوں تو لب پر بار بار آ جائے ہے
بگڑی بن جاتی ہے، یہ سچ ہے مگر اے ہم نشیں
نا مرادی کا برا ہو، جی ہی بیٹھا جائے ہے
اک غلط سجدے سے کیا ہوتا ہے واعظ کچھ نہ پوچھ
عمر بھر کی سب ریاضت خاک میں مل جائے ہے
آپ کی اک زلف سلجھانے کو لاکھوں ہاتھ ہیں
میری گتھی بھی کوئی آ کر کبھی سلجھائے ہے
بسملؔ عظیم آبادی 
(1183) ووٹ وصول ہوئے
Jab Kabhi Nam-e-mohamad Lab Pe Mere Aae Hai In Urdu By Famous Poet Bismil Azimabadi. Jab Kabhi Nam-e-mohamad Lab Pe Mere Aae Hai is written by Bismil Azimabadi. Enjoy reading Jab Kabhi Nam-e-mohamad Lab Pe Mere Aae Hai Poem on Inspiration for Students, Youth, Girls and Boys by Bismil Azimabadi. Free Dowlonad Jab Kabhi Nam-e-mohamad Lab Pe Mere Aae Hai by Bismil Azimabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends