ضبط نالہ دل فگار نہ کر
ضبط نالہ دل فگار نہ کر
آگ کو اور شعلہ بار نہ کر
شب غم داغ دل کی شمع جلا
چاند تاروں کا انتظار نہ کر
شوق سے پھول چن چمن میں مگر
خار و خس کو ذلیل و خوار نہ کر
ماہ و انجم پہ ڈال بڑھ کے کمند
پست ذروں پر اپنا وار نا کر
گامزن ہو جو شوق منزل ہے
راہ کے پیچ و خم شمار نہ کر
اور پیدا کر اپنے خون سے پھول
رات دن ماتم بہار نہ کر
صبح کا ساز بھی تو چھیڑ ذرا
شام کا ذکر بار بار نہ کر
سرنگوں ہو نہ موت کے آگے
زندگانی کو شرمسار نہ کر
کچھ مزاج گل و سمن بھی سمجھ
صرف نظارۂ بہار نہ کر
آگ سے کھیلنا نہیں اچھا
بھول کر بھی کسی کو پیار نہ کر
دوسروں کا تو ذکر عشق میں کیا
اپنے دل پر بھی اعتبار نہ کر
خار کو بھی نظر میں رکھ رعناؔ
گل سے اندازۂ بہار نہ کر
برج لال رعنا 
(1057) ووٹ وصول ہوئے
Zabt-e-nala Dil-e-figar Na Kar In Urdu By Famous Poet Birj Lal Raana. Zabt-e-nala Dil-e-figar Na Kar is written by Birj Lal Raana. Enjoy reading Zabt-e-nala Dil-e-figar Na Kar Poem on Inspiration for Students, Youth, Girls and Boys by Birj Lal Raana. Free Dowlonad Zabt-e-nala Dil-e-figar Na Kar by Birj Lal Raana in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends