سوتے میں مسکراتے بچے کو دیکھ کر
تری مخمور سی مسکان ابھی دیکھی تو یاد آیا
مری مسکان پر اک دن مجھے ماں نے بتایا تھا کہ چھوٹا تھا تو اکثر نیند میں میں مسکراتا تھا
(الوہی انگلیوں کی چھیڑ کا میٹھا ترنم میرے لب پر رقص کرتا تھا)
کہ جیسے گدگدی کے اک لطیف احساس کی قلقل سے میری نیند ہنستی تھی
یہ گزرے کل کا قصہ ہے، وہ گزرے کل کی بستی تھی
خدا کا اور ماں کا اور بچپن کا زمانہ تھا
وہ جس میں جی رہا تھا میں اساطیری زمانوں کا کوئی پہلا فسانہ تھا
کہ عہد بے خدا میں بے اماں بے سائباں ہوں میں
سو نیند آتی نہیں مجھ کو، اور آئے بھی تو ڈر کی چاپ سے ہر خواب کانپ اٹھے
سو مرگ خواب کی رت میں
تری مخمور سی مسکان ابھی دیکھی تو ویراں خانہ لب سے دعا نکلی
خدا کی اور تیری چھیڑ یوں ہی عمر بھی ٹھہرے
الوہی انگلیوں کا لمس دائم معتبر ٹھہرے
ترے ہر خواب کے اس پار اک خواب دگر ٹھہرے
بلال احمد 
(912) ووٹ وصول ہوئے
Sote Mein Muskuraate Bachche Ko Dekh Kar In Urdu By Famous Poet Bilal Ahmad. Sote Mein Muskuraate Bachche Ko Dekh Kar is written by Bilal Ahmad. Enjoy reading Sote Mein Muskuraate Bachche Ko Dekh Kar Poem on Inspiration for Students, Youth, Girls and Boys by Bilal Ahmad. Free Dowlonad Sote Mein Muskuraate Bachche Ko Dekh Kar by Bilal Ahmad in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends