Tumhein Hum Chahte To Hain Magar Kya
tumhein hum chahte to hain magar kya
mohabbat kya mohabbat ka asar kya
wafa ka nam to pichhe liya hai
kaha tha tum ne is se peshtar kya
hazaron bar bigDe raat bhar mein
nibhegi tum se apni umr bhar kya
nazar milti nahin uThti nahin aankh
koi puchhe ki hai madd-e-nazar kya
shikayat sun ke wo 'beKHud' se bole
tujhe ai be-KHabar meri KHabar kya
Bekhud Dehlvi 
(865) Peoples Rate This