Ho Ke Majbur Aah Karta Hun
ho ke majbur aah karta hun
tham kar dil gunah karta hun
abr-e-rahmat umanDta aata hai
jab KHayal-e-gunah karta hun
mere kis kaam ki hai ye iksir
KHak-e-dil waqf-e-rah karta hun
dil se KHauf-e-jaza nahin miTta
Darte Darte gunah karta hun
dil mein hote ho tum to apne par
ghair ke ishtibah karta hun
tu na dekhe ye dekhna mera
tujh se chhup kar gunah karta hun
banda-e-ishq hai tera 'beKHud'
tujh ko yarab gawah karta hun
Bekhud Dehlvi 
(770) Peoples Rate This