Jis Mein Sauda Nahin Wo Sar Hi Nahin
jis mein sauda nahin wo sar hi nahin
dard jis mein nahin jigar hi nahin
log kahte hain wo bhi hain bechain
kuchh ye be-tabiyan idhar hi nahin
dil kahan ka jo dard-e-dil hi na ho
sar kahan ka jo dard-e-sar hi nahin
be-KHabar jin ki yaad mein hain hum
KHair se un ko kuchh KHabar hi nahin
'beKHud'-e-mahw o shikwa-ha-e-itab
is manush ka to wo bashar hi nahin
Bekhud Badayuni 
(791) Peoples Rate This