Diwana Banana Hai To Diwana Bana De
diwana banana hai to diwana bana de
warna kahin taqdir tamasha na bana de
ai dekhne walo mujhe hans hans ke na dekho
tum ko bhi mohabbat kahin mujh sa na bana de
main DhunDh raha hun meri wo shama kahan hai
jo bazm ki har chiz ko parwana bana de
aaKHir koi surat bhi to ho KHana-e-dil ki
kaba nahin banta hai to but-KHana bana de
'bahzad' har ek gam pe ek sajda-e-masti
har zarre ko sang-e-dar-e-jaanana bana de
Behzad Lakhnavi 
(2536) Peoples Rate This