یہ ساقی کی کرامت ہے کہ فیض مے پرستی ہے
یہ ساقی کی کرامت ہے کہ فیض مے پرستی ہے
گھٹا کے بھیس میں مے خانے پر رحمت برستی ہے
یہ جو کچھ دیکھتے ہیں ہم فریب خواب ہستی ہے
تخیل کے کرشمے ہیں بلندی ہے نہ پستی ہے
وہاں ہیں ہم جہاں بیدمؔ نہ ویرانہ نہ بستی ہے
نہ پابندی نہ آزادی نہ ہشیاری نہ مستی ہے
تری نظروں پہ چڑھنا اور ترے دل سے اتر جانا
محبت میں بلندی جس کو کہتے ہیں وہ پستی ہے
وہی ہم تھے کبھی جو رات دن پھولوں میں تلتے تھے
وہی ہم ہیں کہ تربت چار پھولوں کو ترستی ہے
کرشمے ہیں کہ نقاش ازل نیرنگیاں تیری
جہاں میں مائل رنگ فنا ہر نقش ہستی ہے
اسے بھی ناوک جاناں تو اپنے ساتھ لیتا جا
کہ میری آرزو دل سے نکلنے کو ترستی ہے
ہر اک ذرے میں ہے انی انا اللہ کی صدا ساقی
عجب میکش تھے جن کی خاک میں بھی جوش مستی ہے
خدا رکھے دل پر سوز تیری شعلہ افشانی
کہ تو وہ شمع ہے جو رونق دربار ہستی ہے
مرے دل کے سوا تو نے بھی دیکھی بیکسی میری
کہ آبادی نہ ہو جس میں کوئی ایسی بھی بستی ہے
حجابات تعین مانع دیدار سمجھا تھا
جو دیکھا تو نقاب روئے جاناں میری ہستی ہے
عجب دنیائے حیرت عالم گور غریباں ہے
کہ ویرانے کا ویرانہ ہے اور بستی کی بستی ہے
کہیں ہے عبد کی دھن اور کہیں شور انا الحق ہے
کہیں اخفائے مستی ہے کہیں اظہار مستی ہے
بنایا رشک مہر و مہ تری ذرہ نوازی نے
نہیں تو کیا ہے بیدمؔ اور کیا بیدمؔ کی ہستی ہے
بیدم شاہ وارثی 
(1760) ووٹ وصول ہوئے
Ye Saqi Ki Karamat Hai Ki Faiz-e-mai-parasti Hai In Urdu By Famous Poet Bedam Shah Warsi. Ye Saqi Ki Karamat Hai Ki Faiz-e-mai-parasti Hai is written by Bedam Shah Warsi. Enjoy reading Ye Saqi Ki Karamat Hai Ki Faiz-e-mai-parasti Hai Poem on Inspiration for Students, Youth, Girls and Boys by Bedam Shah Warsi. Free Dowlonad Ye Saqi Ki Karamat Hai Ki Faiz-e-mai-parasti Hai by Bedam Shah Warsi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends