حکمت کا بت خانہ
شراب شور سے لبریز ہے دنیا کا پیمانہ
حریف دین و دانش ہے مذاق پیر مے خانہ
بشر ابلیس کو تزویر نو کا درس دیتا ہے
مزین ہے گناہ گوناگوں سے ہر پری خانہ
علوم نو سے روشن بزم ہے تہذیب حاضر کی
ید تجدید نے ڈھالا ہے دل آویز بت خانہ
یہ مانا مغربی تعلیم نے پرواز بخشی ہے
یہ ماہ و خور بھی بن جائیں گے اب قندیل کا شانہ
خدا کے چاہنے والے ابھی تک بھولے بھالے ہیں
بنا رکھا ہے حرز جاں سدا ماضی کا افسانہ
گناہ تازہ کی تخلیق سے ابلیس قاصر ہے
دماغ فتنہ جو پر ہے مسلط ضعف پیرانہ
بہت مجبور بے چارہ ہے خود پیرانہ سالی سے
اسے معلوم کیا ہے معصیت کا تازہ پیمانہ
خدا والے تعجب ہے کہ معصوم و مقدس ہیں
عذاب نو بہ نو سے ہے مرصع آئنہ خانہ
رہ تشکیک پر رخش ہنر پیہم خراماں ہے
بہت مشکل ہے فطرت کا ابھی تسخیر فرمانا
مساوات نظر کا مدتوں سے شور سنتا ہوں
فضا دنیا کی ہے لیکن ابھی تک فرقہ وارانہ
ہوس کا درس تو یارو بہت ہی خوب ہے لیکن
ابھی قرآن کی تفہیم سے عاجز ہے فرزانہ
بتوں کا توڑنا تھا کار آساں عہد ماضی میں
ولے مشکل ہے ڈھانا آج کی حکمت کا بت خانہ
قلوب عصر حاضر میں ابھی ایمان ڈھل جائے
فقیروں کا نہیں دیکھا ہے اعجاز کلیمانہ
تفاخر کے مریضوں کے لئے اکسیر ہوتی ہے
سراسر بندۂ بیباکؔ کی طرز فقیرانہ
بیباک بھوجپوری 
(904) ووٹ وصول ہوئے
Hikmat Ka But-KHana In Urdu By Famous Poet Bebak Bhojpuri. Hikmat Ka But-KHana is written by Bebak Bhojpuri. Enjoy reading Hikmat Ka But-KHana Poem on Inspiration for Students, Youth, Girls and Boys by Bebak Bhojpuri. Free Dowlonad Hikmat Ka But-KHana by Bebak Bhojpuri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends