خاک کرتی ہے برنگ چرخ نیلی فام رقص
خاک کرتی ہے برنگ چرخ نیلی فام رقص
ہر دو عالم کو ترا رکھتا ہے بے آرام رقص
دیکھیے پیری کا حال اور دیکھیے ریش سفید
شیخ صاحب نا مناسب ہے یہ بے ہنگام رقص
ابلق چشم بتاں کی شوخیاں چکرا گئیں
آسماں پر مہر و مہ کرتے ہیں صبح و شام رقص
ہو حقیقی یا مجازی عشق کی حالت نہ پوچھ
خانقہ میں مے ہے اور مے خانہ میں بدنام رقص
صومعہ میں وجہ صد تحسیں ہوا صوفی کا حال
مے کدہ میں آن کر کیوں ہو گیا بدنام رقص
نرگس مخمور جاناں ڈال دیتی گر نگاہ
مردم چشم بتاں کی طرح کرتا جام رقص
عاشقاں ابروئے بت کی ہے طاعت اضطراب
تھی نماز اہل حرم جب تک نہ تھا اسلام رقص
گرد پھرتا ہوں جو اس بر کے تو واعظ کیا ہوا
طوف میں کرتا ہے تو بھی باندھ کر احرام رقص
بحر میں گرداب ہے اور دشت میں ہے گرد باد
خشک و تر میں ہے تری شوخی سے اے گلفام رقص
شوخ نے برہم نظام محفل امکاں کیا
خاک نے چھیڑا ہے گردوں نے لیا ہے تھام رقص
پائمال غم پسے جاتے ہیں سرمے کی طرح
لے اڑی کس کے قدم سے گردش ایام رقص
تیری شوخی سے تری رفتار سے اے رشک باغ
چوکڑی بھولا ہرن طاؤس گل اندام رقص
عیش جاوید ان کو حاصل ہے جو ہیں تیری طرف
طائر قبلہ نما کرتا ہے صبح و شام رقص
بیان میرٹھی 
(819) ووٹ وصول ہوئے
KHak Karti Hai Ba-rang-e-charKH-e-nili-fam Raqs In Urdu By Famous Poet Bayan Meeruti. KHak Karti Hai Ba-rang-e-charKH-e-nili-fam Raqs is written by Bayan Meeruti. Enjoy reading KHak Karti Hai Ba-rang-e-charKH-e-nili-fam Raqs Poem on Inspiration for Students, Youth, Girls and Boys by Bayan Meeruti. Free Dowlonad KHak Karti Hai Ba-rang-e-charKH-e-nili-fam Raqs by Bayan Meeruti in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends