عشق ستم پرست کیا حسن ستم شعار کیا
عشق ستم پرست کیا حسن ستم شعار کیا
ہم بھی انہیں کے ہیں تو پھر اپنا بھی اعتبار کیا
عشرت زیست کی قسم عشرت مستعار کیا
غم بھی جو مستقل نہ ہو غم کا بھی اعتبار کیا
مٹتی ہوئی حیات کیا لٹتی ہوئی بہار کیا
یعنی قریب صبح غم شمع کا اعتبار کیا
یاد سے ان کی کام رکھ درد کا اہتمام رکھ
موت بھی آ ہی جائے گی موت کا انتظار کیا
بڑھتی رہیں گی تا بہ کے اہل جنوں کی وحشتیں
چھپتے رہیں گے وہ پس آئینۂ بہار کیا
قیمت کائنات کیا ان کی نگاہ ناز میں
فتنۂ حشر کے لئے فتنۂ روزگار کیا
راہ دراز جبر ہے کہتے ہیں جس کو زندگی
راہ دراز جبر میں منزل اختیار کیا
اتنا بھی انتظار دوست ہائے یہ اعتبار دوست
اے دل بیقرار دوست دوست پہ اختیار کیا
عشق سے سر گراں نہ ہو حسن سے بد گماں نہ ہو
جس کے لئے خزاں نہ ہو اس کے لئے بہار کیا
یاد میں تیری پا لیا میں نے سکون زندگی
اب تری یاد میں مجھے چین کیا قرار کیا
میری نظر سے دیکھیے اپنا جمال بے مثال
چشم بہار ساز میں آئینۂ بہار کیا
میری وفا وفا نہیں ان کی جفا جفا نہیں
ہائے اسی کا نام ہے عالم اعتبار کیا
باسطؔ فگار کی یاد بھی کیا نہ آئے گی
اب نہ سنیں گے ہم وطن نالۂ بے قرار کیا
باسط بھوپالی 
(1382) ووٹ وصول ہوئے
Ishq-e-sitam-parast Kya Husn-e-sitam-shiar Kya In Urdu By Famous Poet Basit Bhopali. Ishq-e-sitam-parast Kya Husn-e-sitam-shiar Kya is written by Basit Bhopali. Enjoy reading Ishq-e-sitam-parast Kya Husn-e-sitam-shiar Kya Poem on Inspiration for Students, Youth, Girls and Boys by Basit Bhopali. Free Dowlonad Ishq-e-sitam-parast Kya Husn-e-sitam-shiar Kya by Basit Bhopali in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends