Saba Gul-e-rez Jaan-parwar Faza Hai
saba gul-e-rez jaan-parwar faza hai
ye mausam aur viran mai-kada hai
giraftar-e-KHam-o-kakul hai koi
gham-e-dauran mein koi mubtala hai
nahin hai bewafai ki shikayat
tumhaari kam-nigahi ka gila hai
rah-e-hasti se marg-e-na-gahan tak
faqat do hi qadam ka fasla hai
ye duniya imtihan-gah-e-mohabbat
ye duniya hasil-e-karb-o-bala hai
badal Dala nizam-e-jaan-o-dil ko
ye sab mere junun ka hausla hai
Bashir Farooq 
(754) Peoples Rate This