Chhup Ke Nazron Se In Aankhon Ki Faramosh Ki Rah
chhup ke nazron se in aankhon ki faramosh ki rah
ab jo aata hai kabhi dil mein to wo gosh ki rah
aage jun ashk wo rahta tha sada pahlu mein
kyun ab us tifl ne gum ki meri aaghosh ki rah
kyunke ponchhega wo aa kar mere aansu haihat
kuche sab ashk se gil hain nahin pa-posh ki rah
bhar safar nam japunga tera to rah kaTe
yun to tai hogi na us rah-raw-e-KHamosh ki rah
chhoD kar kucha-e-mai-KHana taraf masjid ke
main to diwana nahin hun jo chalun hosh ki rah
yun to aata nahin ai kash mere ghar koi
phere nashshe mein ghalat us but-e-mai-nosh ki rah
Das gain hae mere dil ke tain aaj 'baqa'
naginen zulf ki us sar se utar dosh ki rah
Baqaullah 'Baqa' 
(661) Peoples Rate This