بدل کے رکھ دیں گے یہ تصور کہ آدمی کا وقار کیا ہے
بدل کے رکھ دیں گے یہ تصور کہ آدمی کا وقار کیا ہے
خلا میں وہ چاند ناچتا ہے زماں مکاں کا حصار کیا ہے
بہک گئے تھے سنبھل گئے ہیں ستم کی حد سے نکل گئے ہیں
ہم اہل دل یہ سمجھ گئے ہیں کشاکش روزگار کیا ہے
ابھی نہ پوچھو کہ لالہ زاروں سے اٹھ رہا ہے دھواں وہ کیسا
مگر یہ دیکھو کہ پھول بننے کا آرزو مند خار کیا ہے
وہی بنے دشمن تمنا جنہیں سکھایا تھا ہم نے جینا
اگر یہ پوچھیں تو کس سے پوچھیں کہ دوستی کا شعار کیا ہے
کبھی ہے شبنم کبھی شرارا فلک سے ٹوٹا تو ایک تارا
غم محبت کے رازدارو یہ گوہر آبدار کیا ہے
بہار کی تم نئی کلی ہو ابھی ابھی جھوم کر کھلی ہو
مگر کبھی ہم سے یوں ہی پوچھو کہ حسرتوں کا مزار کیا ہے
بہ ایں تباہی دکھائے ہم نے وہ معجزے عاشقی کے تم کو
بہ ایں عداوت کبھی نہ کہنا کہ آپ سا خاکسار کیا ہے
بنے کوئی علم و فن کا مالک کہ میں ہوں راہ وفا کا سالک
نہیں ہے شہرت کی فکر باقرؔ غزل کا اک رازدار کیا ہے
باقر مہدی 
(835) ووٹ وصول ہوئے
Badal Ke Rakh Denge Ye Tasawwur Ki Aadmi Ka Waqar Kya Hai In Urdu By Famous Poet Baqar Mehdi. Badal Ke Rakh Denge Ye Tasawwur Ki Aadmi Ka Waqar Kya Hai is written by Baqar Mehdi. Enjoy reading Badal Ke Rakh Denge Ye Tasawwur Ki Aadmi Ka Waqar Kya Hai Poem on Inspiration for Students, Youth, Girls and Boys by Baqar Mehdi. Free Dowlonad Badal Ke Rakh Denge Ye Tasawwur Ki Aadmi Ka Waqar Kya Hai by Baqar Mehdi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends