ننھا شہسوار
شہسوار
ننھا منا شہسوار
ایستادہ ہے
خمیدہ پشت پر میری
جوں ہی جھکتا ہوں
وہ ترغیب دیتا ہے
مجھے چلنے کی
آوازوں کی سرگم سے
میں چلتا ہوں
میں واماندہ قدم چلتا ہوں
وہ مہمیز کی جنبش سے کہتا ہے کہ دوڑو
اور دوڑو، تیز تر، سرپٹ چلو
باد نغمہ کار سے باتیں کرو
اس کا میں رخش رضا
تیز تر کرتا ہوں رفتار خرام
مجھ کو پہنچانا ہے آج
اس کو رنگوں تتلیوں کے دیس میں
جادو نگر میں
میرے سائے کا بھی اب شاید جہاں
منتظر کوئی نہیں
منتظر ہیں اس کے لیکن، میرے ننھے دوست کے
دیو قامت سبز وارفتہ وقار
دور تک سرگوشیاں کرتے ہوئے اشجار
رقص برگ و بار
جا رہا ہے خواب کی رفتار سے
دیوانہ وار
میرا ننھا شہسوار
بلراج کومل 
(1311) ووٹ وصول ہوئے
Nanha Shahsawar In Urdu By Famous Poet Balraj Komal. Nanha Shahsawar is written by Balraj Komal. Enjoy reading Nanha Shahsawar Poem on Inspiration for Students, Youth, Girls and Boys by Balraj Komal. Free Dowlonad Nanha Shahsawar by Balraj Komal in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends