سماعت کے لیے اک امتحاں ہے
سماعت کے لیے اک امتحاں ہے
خموشی ان دنوں مثل بیاں ہے
سفر اپنے ہی بھیتر کر رہا ہوں
مرا ٹھہراؤ مدت سے رواں ہے
ہوس شامل ہے تھوڑی سی دعا میں
ابھی اس لو میں ہلکا سا دھواں ہے
نیا اک خواب دیکھیں اور روئیں
اب اتنی تاب آنکھوں میں کہاں ہے
اڑا دیتی ہے اپنی خاک جب تب
زمیں کی جستجو بھی آسماں ہے
تبھی آہوں کے سر اٹھتے ہیں اس سے
ہمارا سوز جاں ہی ساز جاں ہے
ہمیشہ دور سے دیکھا کیا ہوں
جہاں مجھ کو جواہر کی دکاں ہے
مرا کردار اس میں ہو گیا گم
تمہاری یاد بھی اک داستاں ہے
محبت ایک کشتی مختصر سی
تمناؤں کا دریا بے کراں ہے
میں سارے فاصلے طے کر چکا ہوں
خودی جو درمیاں تھی درمیاں ہے
بکلؔ خوابوں کے پنچھی آ بسے ہیں
ہمارا آشیاں اب آشیاں ہے
بکل دیو 
(975) ووٹ وصول ہوئے
Samaat Ke Liye Ek Imtihan Hai In Urdu By Famous Poet Bakul Dev. Samaat Ke Liye Ek Imtihan Hai is written by Bakul Dev. Enjoy reading Samaat Ke Liye Ek Imtihan Hai Poem on Inspiration for Students, Youth, Girls and Boys by Bakul Dev. Free Dowlonad Samaat Ke Liye Ek Imtihan Hai by Bakul Dev in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends