میں ہوں عاصی کہ پر خطا کچھ ہوں
میں ہوں عاصی کہ پر خطا کچھ ہوں
تیرا بندہ ہوں اے خدا کچھ ہوں
جزو و کل کو نہیں سمجھتا میں
دل میں تھوڑا سا جانتا کچھ ہوں
تجھ سے الفت نباہتا ہوں میں
باوفا ہوں کہ بے وفا کچھ ہوں
جب سے ناآشنا ہوں میں سب سے
تب کہیں اس سے آشنا کچھ ہوں
نشۂ عشق لے اڑا ہے مجھے
اب مزے میں اڑا رہا کچھ ہوں
خواب میرا ہے عین بیداری
میں تو اس میں بھی دیکھتا کچھ ہوں
گرچہ کچھ بھی نہیں ہوں میں لیکن
اس پہ بھی کچھ نہ پوچھو کیا کچھ ہوں
سمجھے وہ اپنا خاکسار مجھے
خاک رہ ہوں کہ خاک پا کچھ ہوں
چشم الطاف فخر دیں سے ہوں
اے ظفرؔ کچھ سے ہو گیا کچھ ہوں
بہادر شاہ ظفر 
(1248) ووٹ وصول ہوئے
Main Hun Aasi Ki Pur-KHata Kuchh Hun In Urdu By Famous Poet Bahadur Shah Zafar. Main Hun Aasi Ki Pur-KHata Kuchh Hun is written by Bahadur Shah Zafar. Enjoy reading Main Hun Aasi Ki Pur-KHata Kuchh Hun Poem on Inspiration for Students, Youth, Girls and Boys by Bahadur Shah Zafar. Free Dowlonad Main Hun Aasi Ki Pur-KHata Kuchh Hun by Bahadur Shah Zafar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends