تب
پہلے ہم جاتے تھے جب سسرال میں
بولتا تھا ہر کوئی سر تال میں
دے نہیں سکتے اسے لفظوں کا روپ
گرم جوشی تھی جو استقبال میں
ساس کا چہرہ چمک اٹھتا تھا یوں
چاند جیسے جھیل کے پاتال میں
پیار میں ڈوبی سسر کی گفتگو
کتنی شیرینی تھی ان اقوال میں
کھلکھلا اٹھتی تھیں ساری سالیاں
پھرتیاں آتی تھیں ان کی چال میں
بیٹھنے پاتے نہ تھے اور دفعتاً
سج کے آ جاتی تھی چائے تھال میں
عہد ماضی کا وہ باب تابناک
بھول ہم سکتے ہیں کیسے حال میں
اب
اب کبھی جاتے ہیں جب سسرال میں
اور وہ بھی ایک بار اک سال میں
گرم جوشی صرف دکھلاتی ہے اب
سرد مہری ہم کو استقبال میں
ساس پا کر میرے آنے کی خبر
سر چھپا کر سو گئی ہے شال میں
اور سسر لگتا ہے یوں بیٹھا ہوا
شیر جیسے آدمی کی کھال میں
سالیاں کرکے سلام سرسری
مست ہو جاتی ہیں اپنے حال میں
چائے کا تو ذکر ہی مت کیجیے
اب تو بس کالا ہے سب کچھ دال میں
وقت ہم پر یہ بھی آنا تھا منیرؔ
پھنس گئے ہیں اب تو اک جنجال میں
بدر منیرا لدین 
(860) ووٹ وصول ہوئے
Tab In Urdu By Famous Poet Badr Muneeruddin. Tab is written by Badr Muneeruddin. Enjoy reading Tab Poem on Inspiration for Students, Youth, Girls and Boys by Badr Muneeruddin. Free Dowlonad Tab by Badr Muneeruddin in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends